فعاله تسبق أقواله

فعاله تسبق أقواله . . . ما أغـتـر بالـصـيت ولا تغـريـني الصـوره ولا مـظـهـر الـشخـص ولو دندن بمواله . الجيد ما خشا الوقت ولا أشتكى جوره وما ضاع عنده جميل مهما كانت أحواله . وإذا دعي يذهلك حكيه ويبهرك في شوره وفي الـشـدايد فـعـاله تـسـبـق أقـواله . وإذا نخيته لـقيت إنـسان يسبقـه نـوره شان وإلا زان وقـته رزين معروفه بأفعـاله . يوقف معك حزة حضا وحزات للخوره شدة وعده للخوي .. وعند للعدا ما ينحمد فاله . بالعز عايش وفي المرجله محجوز له دوره ذكـره فـخـر يـتوارث من أولادة إلى أجياله . والذي ما طباعة كذا أمسح أسمه وأحسبه عوره والذيب تكفيه الإشاره وعاد للخيل خياله . القلب موجع مازد شفاه علاج دكتورة والحال من جرح الايام مازد زانت أحواله . الجرح كانه من أغراب عليه النفس مقدوره ذي يجرح القلب كان الجرح من عياله . يا عين لو هل دمعك قسم بالله معذوره عمري فنا في رجاهم وهم للغير مياله . المصيبة صارت أرقامي عندهم ع الجوال محظوره وأرقام ذيه وذاك لها نغمات ع الشيلات شغاله . يا ليتني كاتب اساميهم وسط قلبي بتبشوره ما كان صار الوجع فيني عامل أهواله . بس المصيبه اساميهم وسط الاعماق محفوره واهل المصالح كل يوم يجو لك بحاله . قال أبن عياش يا خالق الأرض مبرومه كما الكوره أسالك تعز العزيز ولا تجعله عند الأنذال عاله . كثير أعدائي وبأذن الله إن النفس منصوره النوايا سليمة.. ومن خاف ربه كان الله في جاله . تعاداني الرخيص بلا أسباب مذكوره لجل يرضي عرب أهل أفعال بطاله . وبعد عام ونص غدت من جد مقهوره أهانوها وهو ساكت وهمه يسعد عياله